شرح أكثر وإدارة أقل

“بصراحة كدا احسن منصة اتعاملت معاها 😄 والدعم محترم جدا ونشيط التيم كله ما شاء الله حريص على أن المنصة تكون مفهاش اي شائبة ، وبالتالي عملتو مميزات مش موجودة في أغلب المنصات بأمانة مش متخيل بعد سنة ولا اتنين هيكون المستوى عامل ازاي ، حاسسكم وصلتو لأعلى مستوى من دلوقتي 😄 ❤️ يارب في تقدم دائم”

“بصراحة يباشا المنصة عشرة على عشرة بسيطة جدا في موضوع التفعيل ورفع الداتا بتاعتك ومكنش فيه أي مشاكل تذكر يعني الحمد لله وبرضه وجود فريق دعم دي حاجه كويسة جدا. اول مرة نتعامل معاكم وبإذن الله مش اخر مرة.”

“لو هتكلم التجربة من اول ما التطبيق بدأ فهيكون في عيوب كتير بس احسن ميزة ان العيوب دي كانت بتتصلح علطول مع أول تحديث ولما وصلنا دلوقتي بقا التطبيق تقريبا من غير عيوب الحمدلله هو بالنسبالي مريح جدا في تقديم الريكويست بتاع الطالب والقبول مش محتاج مني غير ضغطة زرار وبس كدا برضو الفيديوهات لو احتجت انزلها في اكتر من كورس هتتنسخ بسهولة وتشتغل هو بس الملاحظة الوحيدة (مش متأكد اتعدلت ولا لأ) بس لازم اما الطالب يرفع الريسيت والريكويست يتبعت لازم يتعمل علامة صح كبيرة مثلا او يقولوا Done او اي حاااجة تعرفوا ان الطلب اتبعت لان الطالب بيبقا مش متأكد فبيفضل يبعت كذا مرة وبتوصل لعشرين طلب لكورس واحد لنفس الطالب وبيبعت يتأكد هل كدا الطلب وصلك ولا لأ حاجة كمان محتاجين نحط لينك او أيقونة للتواصل مع الدعم تكون ظاهرة وواضحة للطالب عشان ميرجعش يسأل الدكتور عن حاجات في التطبيق وانا اديله لينك التواصل مع الدعم الموضوع مش مريح وبياخد وقت لكن التقييم النهائي فوق الممتاز ومريحة جدا جدا والملاحظات دي بس سعيا لانه يكون perfect إنما بشكل عام عشرة من عشرة ونجمة ❤️”

“السلام عليكم ورحمة الله وبركاته تطبيق Nerdio هو تطبيق مميز ومتطور باستمرار ما شاء الله يوم عن يوم بيتحسن جداً التطبيق من حيث الهدف الأساسي ليه وهو حمايه المحتوى وتنظيمه فهو ما شاء الله متميز جداً وآمن كمان من حيث التعامل فهو سهل وبسيط جداً ولا يوجد تعقيد فيه وسريع جداً في الأداء ما شاء الله مش بياخد وقت في اضافه وترتيب المادة العلمية وكذلك تفعيل الاشتراكات للطلاب وخاصية الربط بتليجرام لتلقي إشعارات وتفعيل اشتراك الطلاب مباشرة من تليجرام وأخيراً الفريق المسؤول عن التطبيق غاية في الإحترام والخدمة ومش بيتأخروا في حل أي مشكلة بتحصل بالتوفيق لكم يا رب”